លោកសម រង្ស៊ី បញ្ជាក់ជាថ្មីថា នឹងបានចូលស្រុកក្នុងពេលឆាប់ៗ

ភ្នំពេញ៖ ប្រធានគណបក្សសង្គ្រោះជាតិ លោកសម រង្ស៊ី ដែលកំពុងនិរទេសខ្លួននៅក្រៅប្រទេស បានអះអាងបញ្ជាក់ជាថ្មីម្តងទៀតថា លោកជិតបានចូលស្រុកវិញហើយ ក្នុងពេលឆាប់ៗខាងមុខនេះ។
កាលពីថ្ងៃទី០៥ ខែមករា ឆ្នាំ២០១៧ លោក សម រង្ស៊ី បានសរសេរសារខ្លីមួយ ជាយោបល់ ឆ្លើយតប (comment) ទៅសកម្ម ជនគណបក្ស សង្គ្រោះជាតិ ដែលបានបង្ហោះរូបភាពលើកស្លាក គណបក្សប្រឆាំងនេះថា ”ខ្ញុំសូមកោតសរសើរការ ខំប្រឹងប្រែង របស់សកម្មជនគណបក្សសង្គ្រោះជាតិទាំងអស់គ្នា ជាទីនឹករលឹក។ ខ្ញុំជិតបានមក ជួបបងប្អូន ក្មួយៗវិញហើយ”។
ការបង្ហោះសារខ្លីអះអាងបញ្ជាក់ពីការវិល ចូលស្រុករបស់លោកសម រង្ស៊ី ខាងលើនេះ មិនមែនជាលើកទី១ របស់លោកសម រង្ស៊ី ទេ ដែលបង្ហាញពីជំហរក្នុងការត្រៀមខ្លួនវិលចូល ស្រុកវិញ គឺមុននេះ លោកបានអះអាងបញ្ជាក់ ច្រើនលើកមកហើយ តាមបណ្តាញ សង្គមហ្វេសប៊ុករបស់លោកថា លោកដាច់ខាត ត្រូវតែវិល ចូលស្រុកវិញ ឱ្យបានមុនឆ្នាំ២០១៨ ឬមុនពេល ការបោះឆ្នោត។
ការប្រកាសរបស់លោកសម រង្ស៊ី នៅពេល នោះ បានធ្វើឱ្យមជ្ឈដ្ឋានប្រជាពលរដ្ឋមានការ ចាប់អារម្មណ៍ និងគិតថា មេបក្សប្រឆាំង រូបនេះ ពិតជាមានឱកាសអាចវិលចូលស្រុកវិញឆាប់ៗ។ ប៉ុន្តែមកដល់ពេលនេះ មជ្ឈដ្ឋាននយោបាយ គ្មាន រំពឹងថា លោកសម រង្ស៊ី អាចត្រូវវិលចូលស្រុក វិញឆាប់ៗដូចការអះអាងរបស់លោកនោះទេ គឺមជ្ឈដ្ឋានអ្នកនយោបាយទាំងនោះ បានលើក ឡើងថា ជីវិតន យោបាយរបស់មេបក្សប្រឆាំង រូបនេះ នឹងត្រូវបញ្ចប់ដោយការរស់នៅប្រទេស បារាំង ក្នុងនាមជាពលរដ្ឋបារាំង ដើមកំណើត ខ្មែរ សញ្ជាតិ បារាំងនោះរហូតហើយ មិនអាច វិលមក ប្រឡូកនយោបាយក្នុងប្រទេសកម្ពុជា វិញបានទេ ខណៈដែលលោកបានបាត់បង់បុព្វ សិទ្ធិ ជាតំណាងរាស្ត្រ ត្រូវបានរដ្ឋសភាដកអភ័យឯកសិទ្ធិ នាពេលកន្លងមក និងមានឈ្មោះជា ទណ្ឌិត ប្រឈមនឹងដីកាបង្គាប់ឱ្យចាប់ ខ្លួន របស់ តុលាការជាច្រើនករណី។ ដូច្នេះបើលោកសម រង្ស៊ី ហ៊ានវិលចូលស្រុកវិញ អាចប្រឈម នឹងការ ចាប់ខ្លួនដាក់ពន្ធនាគារមិនខាន។
មុននេះ អ្នកនាំពាក្យក្រសួងយុត្តិធម៌ លោក គឹម សន្តិភាព ក៏បានរំលឹកលោកសម រង្ស៊ី ដែរថា កុំភ្លេចខ្លួន ព្រោះលោកគឺជាទណ្ឌិត ស្របច្បាប់ យ៉ាងពិតប្រាកដ មិនមែនជាការយល់សប្តិទេ។
អ្នកនាំពាក្យគណបក្សប្រជាជនកម្ពុជា លោកសុខ ឥសាន បានបញ្ជាក់ថា ថ្វីត្បិតវប្បធម៌ សន្ទនា នៅតែសំខាន់ សម្រាប់គណបក្សដែល មានអាសនៈនៅក្នុងរដ្ឋសភា គឺក្រុមមតិភាគ ច្រើន និងក្រុមមតិភាគតិច នៅរដ្ឋសភា មិន អាចយកករណីលោកសម រង្ស៊ី មកលាយឡំ ហើយរំលោភលើច្បាប់រដ្ឋ ដែលតុលាការបាន ធ្វើការកាត់ទោសរួចទៅហើយនោះបានទេ។ ដូច្នេះ លោកសម រង្ស៊ី មានតែនៅបន្តនិរ ទេស ខ្លួននៅក្រៅប្រទេស។
ទោះយ៉ាងណា សម្រាប់អ្នកគាំទ្រគណបក្ស ប្រឆាំង នៅតែមានជំនឿថា លោកសម រង្ស៊ី អាចនឹងបានវិលចូលស្រុកវិញ ក្នុងអំឡុងឆ្នាំ ២០១៧នេះ ឬឆ្នាំ២០១៨ ខាងមុខនេះ តាមរយៈ ការសម្រុះសម្រួលនយោបាយ ឬមានការជួយ អន្តរាគមន៍ពីសម្តេចនាយករដ្ឋមន្ត្រីហ៊ុន សែន ប្រធានគណបក្សប្រជាជនកម្ពុជា ក្នុងការស្នើសុំ ព្រះរាជទានលើកលែងទោសពីព្រះមហាក្សត្រ ដូចលោកកឹម សុខា ប្រធាន ស្តីទីគណបក្សសង្គ្រោះជាតិ ដែលត្រូវបានព្រះមហាក្សត្រ ចេញ ព្រះរាជក្រឹត្យត្រាស់បង្គាប់លើកលែងទោសឱ្យ កាលពីថ្ងៃទី ០២ ធ្នូ ឆ្នាំ២០១៦៕

អគ្គលេខាធិការ CDC: កម្ពុជាជាប់ជាប្រទេស​ក្នុងចំណោម​ប្រទេស​ទាំង៨​ក្នុងពិភពលោក មាន​សេដ្ឋកិច្ច​រីកចម្រើន​រហ័ស និងរឹងមាំ មានអត្រា៧.៧% រយៈពេល២០ឆ្នាំ ក្លាយជាខ្លាថ្មីនៅអាសុី !
ជី សិលា៖ “សិស្ស IT ពូកែ​សរសេរ​កូដ តែ​នៅ​ខ្វះ​ឥរិយាបថ​មួយ”
លោក​សម រង្ស៊ី​គាំទ្រ​ការទម្លាក់​អត្រា​ការប្រាក់​១៨% តែ​ស្នើ​ឲ្យ​គិតគូ​បន្ថែម​លើ​ទីផ្សារ​កសិកម្ម​
លោក​សម រង្ស៊ី​​ជាប់ឆ្នោត​ជា​​អនុប្រធាន​​នៃ​អង្គការ​​សេរីនិយម​​អន្តរជាតិ​​
ក្រុមហ៊ុន ​Alibaba បន្ថែមទុន $488 Million សម្រាប់គម្រោងអាហារសុខភាព​ ទៅលើ Ali Health របស់ខ្លួន
អ្នកនយោបាយ​បារាំង​ម្នាក់ ចំអក​លោក ម៉ា​ក្រុង ថា មាន​ឥរិយាបថដូច «​ខ្មែរ​»
បើអញ្ចឹងមែននោះ​!! ក្រុមហ៊ុន Samsung ពិតជាបារម្ភ
CNN ៖ អាមេរិក​បានកំណត់​​ យកខែឧសភា ខាងមុខនេះ​ជា​ថ្ងៃ​បើក​ការវាយប្រហារ​ទៅ​លើ​កូរ៉េខាងជើង​
Microsoft Surface Pro លេចជារូបរាងហើយ
Apple បង្ហាញ​តិចនិក​ថត​រូប​ស្អាត​​លើ iPhone 7 Plus ឥត​គិត​លុយ​ទៀត​ហើយ​
ជី សិលា៖ “សិស្ស IT ពូកែ​សរសេរ​កូដ តែ​នៅ​ខ្វះ​ឥរិយាបថ​មួយ”
សហគ្រិនស្រ្តីវ័យ២៨ឆ្នាំ៖ខ្ញុំឈឺចាប់ខ្លាំង ពេលឃើញគេមើលងាយស្ទើរគ្រប់ផលិតផលខ្មែរ
Apple បង្ហាញ​តិចនិក​ថត​រូប​ស្អាត​​លើ iPhone 7 Plus ឥត​គិត​លុយ​ទៀត​ហើយ​
កញ្ញា ឡូ​រ៉ា ម៉ម ៖ ​ខ្ញុំ​ឈឺចិត្ត ខ្ញុំ​ចង់​ឲ្យ​ទាំងអស់គ្នា​ដឹងថា ខ្ញុំ​ជា​កូន​ខ្មែរ មាន​ឪពុកម្ដាយ​ខ្មែរ ប៉ុន្តែ​ទាំងអស់គ្នា​ហៅ​កូនកាត់​រហូត ព្រោះ​តែ…
ច្បាស់​ហើយ​ស្ត្រី​ម្នាក់​ស្លៀក​ម៉ៃ​យ៉ូ​ដឹក​ដៃ​កូន​មុជទឹក​សមុទ្រ​ដែលបង្ក​ការរិះគន់​ពេញ​ហ្វេ​ស​ប៊ុ​ក​នោះគឺ…
សារមន្ទីរសម័យទំនើបមួយនៅកូរ៉េ ពិតជាប្លែកនិងគួរអោយចង់ទៅលេង
Apple បង្ហាញ​តិចនិក​ថត​រូប​ស្អាត​​លើ iPhone 7 Plus ឥត​គិត​លុយ​ទៀត​ហើយ​
ទូរស័ព្ទ iPhone 8 នឹងធ្វើឲ្យអតិថិជនរបស់ខ្លួនមានការភ្ញាក់ផ្អើល ដោយមុខងារថ្មីៗមិនគួរឲ្យជឿ
ចេញ​ថ្មី​ដងខ្លួន​ទន់ល្មើយ អភិវឌ្ឍ​កាន់តែ​ដូច​មនុស្ស​ពិត​ៗ (វីដេអូ)
លោកស្រី Angelina Jolie បានព្រមានអាមេរិក អំពីជាតិនិយម ទាំងក្នុង និងនៅបរទេស