សម្រាប់អ្នកធ្វើការនៅក្នុងការិយាល័យបើកទូលាយ ឬចង់និយាយទូរស័ព្ទកិច្ចការសម្ងាត់នៅទីសាធារណៈ? នេះហើយជារបស់អ្នក! ដែលគេឲ្យឈ្មោះថា Hushme វាជាវត្ថុល្អបំផុតសម្រាប់បិតបាំងសម្លេងរបស់អ្នក ពីមនុស្សដែលនៅក្បែរ ដោយវាអាចការពារមិនឲ្យគេស្តាប់ការសន្ទនារបស់អ្នកបានឡើយ។
របាំងសំឡេងនេះ Hushme ត្រូវបានគេប្រើដោយពាក់នៅជុំវិញប្រអប់មាត់ និងចង្កា រហូតដល់កញ្ចឹងករបស់អ្នក។ នៅពេលដំណើរការភ្លាមនោះ វានឹងធ្វើការទប់សម្លេងរបស់អ្នក និងអនុញ្ញាតឱ្យអ្នកទទួលយកការហៅទូរស័ព្ទក្នុងទីសាធារណៈ ដោយមិនមានការព្រួយបារម្ភថានរណាម្នាក់នឹងឮនូវអ្វីដែលអ្នកកំពុងនិយាយ។
របាំងសំឡេងនេះ ត្រូវបានរចនាឡើងជាមួយនឹងកាសក្នុងត្រចៀក ដើម្បីអនុញ្ញាតឱ្យអ្នកប្រើសម្រាប់ទទួលទូរស័ព្ទ ពីឧបករណ៍របស់ខ្លួនផងដែរ។ ឧបកណ៏នេះ ធ្វើការទប់ សំឡេងរបស់អ្នក និងលោកអ្នក អាចកំណត់ដើម្បី ចាក់សាឡើងវិញនូវសំឡេងរបស់អ្នក ដែលបាននិយាយជាសម្ងាត់ទៅកាន់អ្នកដ៏ទៃ។
ប្រភពៈ trendhunter ប្រែសម្រួលៈ ខេមរារិទ្ធិ
