តោះ!!! ចង់ដឹងថាថ្លើម ជាសរីរាង្គសំខាន់​មានមុខងារអ្វីខ្លះទេ?

ថ្លើម ជាសរីរាង្គដែលមានទំហំធំជាងគេ និងមានសារសំខាន់បំផុត។ ដូច្នេះ គួរថែទាំថ្លើមដូចម្តេច ទើបមិនបង្កឱ្យកើតជំងឺថ្លើម ?

រូបភាពៈ Google

-តួនាទីរបស់ថ្លើម ៖
ប្រព័ន្ធរបស់ថ្លើមមានសភាពស្មុគស្មាញ ដោយសារវាជាសរីរាង្គសំខាន់ ទើបវាមានតួនាទីច្រើនយ៉ាង ដូចជា ៖

១-ថ្លើមជាអ្នកផលិត ៖ អាហារគ្រប់ប្រភេទដែលអ្នកទទួលទានចូលទៅ ទាំងអាហារប្រភេទ ការបូអ៊ីដ្រាត (ជាតិម្សៅ ជាតិស្ករ) ខ្លាញ់ ប្រូតេអ៊ីន វីតាមីន ថ្នាំ ឬអាហារផ្សេងៗក្តី រាងកាយមិនអាចបឺតស្រូបយកសារធាតុអាហារទាំងនេះ ទៅប្រើបានភ្លាមៗទេ ត្រូវឆ្លងកាត់ការរំលាយ ពីក្រពះ និងពោះវៀនតូចសិន។ បន្ទាប់ពីរំលាយអាហារទាំងនោះ រហូតក្លាយជាម៉ូលេគុល ល្មមអាចបឺតស្រូបយកបាន ទើបរាងកាយបឺតស្រូបចូលទៅក្នុងសរសៃឈាម។ ថ្លើមមានតួនាទីរក្សាទុកសារធាតុអាហារផ្សេងៗ តាមសមគួរ រួចយកមកផលិតជា សារធាតុអាហារដែលចាំបាច់ចំពោះរាងកាយ ដូចជា ប្រូតេអ៊ីន អាល់ប៊ូមីន (Albumin) ដែលជាប្រូតេអ៊ីនបៀមទឹកនិងជាតិខនិជ ទុកនៅក្នុងសរសៃឈាម។ ក្រៅពីនេះ ថ្លើមក៏ផលិតសារធាតុផ្សេងៗជាច្រើនទៀត រួមទាំងការផលិតប្រូតេអ៊ីន ជួយធ្វើឱ្យឈាមកកទៀតផង។

២-ថ្លើមជាឃ្លាំងផ្ទុកសារធាតុអាហារ ៖ ថ្លើមមានតួនាទីសន្សំសារធាតុអាហារផ្សេងៗទុកប្រើនៅពេលរាងកាយត្រូវការ ដូចជា បំប្លែងជាតិស្ករគ្លុយកូស ជាគ្លីកូហ្សែន និងរក្សាទុកក្នុងថ្លើម។ ហើយនៅពេលរាងកាយត្រូវការថាមពល ថ្លើមនឹងទាញគ្លីកូហ្សែនបំប្លែងមកជាគ្លុយកូសវិញ រួចបញ្ជូនបន្តឱ្យរាងកាយ យកទៅប្រើការផ្សេងៗជាបន្តទៀត។ ក្រៅពីនេះ ថ្លើមក៏រក្សាសារធាតុអាហារដូចជា វីតាមីន និងសារធាតុអាហារចាំបាច់ចំពោះរាងកាយប្រភេទផ្សេងៗទៀត ទុកសម្រាប់ឱ្យរាងកាយទាញយកទៅប្រើការពេលខ្វះខាត ឬប្រើក្នុងការរំលាយជាតិខ្លាញ់ ជួយឱ្យការរំលាយ អាហារមានភាពងាយស្រួលជាងមុន។

៣-ថ្លើមមានតួនាទីផលិតអំបិលទឹកប្រមាត់និងទឹកប្រមាត់ ៖ អំបិលទឹកប្រមាត់ និងទឹកប្រមាត់ ដែលត្រូវផលិត ឡើងដោយថ្លើម មានតួនាទីរំលាយជាតិខ្លាញ់ ជួយសម្រួលដល់ការរំលាយអាហារ។ ទឹកប្រមាត់ ដែលរំលាយអាហារ នឹងត្រូវបញ្ចោញមកតាមបំពង់ទឹកប្រមាត់ ឆ្លងទៅកាន់ពោះវៀនតូច និងត្រូវបានបញ្ចោញចោលទៅជាមួយលាមក។ បើស្ទះបំពង់ទឹកប្រមាត់កើតឡើងក្នុងរាងកាយ សារធាតុផ្សេងៗដែលឆ្លងកាត់ការរំលាយ នឹងមានការស្ទះដែរ ហើយទឹកប្រមាត់ នឹងវិលចូលទៅកាន់សរសៃឈាម ធ្វើឱ្យមានបញ្ហាកើតលឿងតាមខ្លួនប្រាណនិងភ្នែក។

៤-ថ្លើមជាមជ្ឈមណ្ឌលកែច្នៃឡើងវិញ ៖ ក្រៅពីតួនាទីសន្សំទុកសារធាតុអាហារ ដើម្បីបំប្លែងជាថាមពលបំពេញឱ្យរាងកាយ ថ្លើមក៏នៅមានតួនាទីទាញយកប្រូតេអ៊ីនចាស់ៗ មកបំប្លែងជាថ្មី សម្រាប់ប្រើប្រាស់ម្តងទៀត។

៥-ថ្លើមមានតួនាទីបណ្តេញសារធាតុកាកសំណល់ និងសារធាតុពុលផ្សេងៗ ៖ ទាំងជាតិថ្នាំ និងឱសថបុរាណផ្សេងៗ ដែលទទួលទានចូលទៅ ថ្លើមនឹងចម្រាញ់សារធាតុអាហារទាំងនោះទុកក្នុងរាងកាយ។ ចំណែកសារធាតុណាដែលជា សារធាតុពុលមិនល្អចំពោះរាងកាយ ថ្លើមនឹងព្យាយាមបណ្តេញចេញទៅតាមទឹកនោម ឬបញ្ចោញចោលមកតាមទឹកប្រមាត់។ បើទទួលទានថ្នាំដែលមិនចាំបាច់ចំពោះរាងកាយ ឬសូម្បីតែអាហារបំប៉ន និងឱសថបុរាណមួយចំនួន ថ្លើមអាចមិនដឹងពីប្រយោជន៍របស់ឱសថបុរាណ ឬថ្នាំទាំងនោះ ហើយបំប្លែងសារធាតុទាំងនោះ ជាសារធាតុពុលដែលមានគ្រោះថ្នាក់ចំពោះរាងកាយ បង្កឱ្យកើតមានជំងឺរលាកថ្លើមនៅពេលក្រោយ។

៦-ថ្លើមជាសរីរាង្គការពាររាងកាយ ៖ ថ្លើមក៏មានតួនាទីផលិតអង្គបដិបក្ខនៃប្រព័ន្ធការពាររាងកាយ ដើម្បីការពារនិងបំផ្លាញមេរោគ ឬអ្វីចម្លែកផ្សេងៗ ដែលចូលមកក្នុងរាងកាយ។ ដូច្នេះ ថ្លើមត្រូវបានគេចាត់ទុកជា សរីរាង្គការពាររាងកាយតែម្តង។ ថ្លើមក៏ជួយឱ្យរាងកាយផលិតប្រូតេអ៊ីន វីតាមីន វីតាមីន A និងចាំរក្សាទុក ជាតិដែក ដែលកើតពីគ្រាប់ឈាមត្រូវបានបំផ្លាញទៀតផង។

-ការពិនិត្យដំណើរការរបស់ថ្លើម

ដោយសារថ្លើមជាសរីរាង្គនៅក្នុងរាងកាយ ទើបពិបាកសង្កេតការធ្វើការរបស់វា ពិសេស បើមានភាពខុសប្រក្រតីតូចតាច រាងកាយមិនអាចចាប់ភាពខុសប្រក្រតីនោះបាន។ ដូច្នេះ ដើម្បីពិនិត្យការធ្វើការរបស់ថ្លើម តម្រូវឱ្យមានការសាកសួរប្រវត្តិអ្នកជំងឺដូចជា ពិសាសុរាដែរឬទេ? ពិសាអាហារស្ទើរឆៅ ស្ទើរឆ្អិនដែរឬទេ? ឬមានប្រវត្តិពិសាថ្នាំអ្វីខ្លះ រួមទាំងការពិនិត្យឈាមទៀតផង។

ក្រៅពីនេះ អាចសង្កេតបានតាមរយៈការបំប្លែងរបស់រាងកាយដែលឃើញច្បាស់ ដូចជា ឆាប់អស់កម្លាំង ធុញអាហារ ភ្នែកលឿង ខ្លួនលឿង ហើមខ្លួន ទាចទឹក ឬមានបញ្ហាចេញឈាមខុសប្រក្រតីជាដើម។ ឯគ្រូពេទ្យអាចប្រើវិធីពិនិត្យដោយកាំរស្មី ឬពិនិត្យដុំសាច់ដើម្បីរកមូលហេតុនៃជំងឺ និងដំណាក់កាលនៃជំងឺ ដែលកំពុងប្រព្រឹត្តទៅ។

-ថ្លើមខុសប្រក្រតី នាំឱ្យមានជំងឺអ្វីខ្លះ?

បង្កឱ្យមានជំងឺដែលពាក់ព័ន្ធនឹងថ្លើម ដូចជា ៖ ក្រិនថ្លើម រលាកថ្លើម កើតលឿង និងមហារីកថ្លើម។

-ការថែទាំសុខភាពថ្លើម

គេបានដឹងរួចមកហើយថា ការពិសាគ្រឿងស្រវឹង ជាមូលហេតុមួយដែលធ្វើឱ្យថ្លើម មានភាពខុសប្រក្រតី រីឯឱសថបុរាណនិងអាហារបំប៉នមួយចំនួន ក៏ពុំមានផលល្អចំពោះថ្លើមឡើយ។ ដូច្នេះ គួរឈប់ពិសាគ្រឿងស្រវឹង និងគួរពិគ្រោះជាមួយគ្រូពេទ្យ មុននឹងពិសាអាហារបំប៉ន ឬឱសថបុរាណណាមួយ។ គួរពិសាទឹកស្អាត ឱ្យបានគ្រប់គ្រាន់តាមតម្រូវការរាងកាយ ពិសាអាហារឱ្យគ្រប់ទាំង ៥ក្រុម ពិសេសត្រូវផ្តោតលើអាហារសុខភាព ព្រមទាំងឧស្សាហ៍ ហាត់ប្រាណ និងសម្រាកឱ្យបានគ្រប់គ្រាន់ផង ឬយកល្អអាចពិសាអាហារបំប៉នថ្លើមផងក៏បាន៕

ប្រភព៖ នគរធំ

អគ្គលេខាធិការ CDC: កម្ពុជាជាប់ជាប្រទេស​ក្នុងចំណោម​ប្រទេស​ទាំង៨​ក្នុងពិភពលោក មាន​សេដ្ឋកិច្ច​រីកចម្រើន​រហ័ស និងរឹងមាំ មានអត្រា៧.៧% រយៈពេល២០ឆ្នាំ ក្លាយជាខ្លាថ្មីនៅអាសុី !
ជី សិលា៖ “សិស្ស IT ពូកែ​សរសេរ​កូដ តែ​នៅ​ខ្វះ​ឥរិយាបថ​មួយ”
លោក​សម រង្ស៊ី​គាំទ្រ​ការទម្លាក់​អត្រា​ការប្រាក់​១៨% តែ​ស្នើ​ឲ្យ​គិតគូ​បន្ថែម​លើ​ទីផ្សារ​កសិកម្ម​
លោក​សម រង្ស៊ី​​ជាប់ឆ្នោត​ជា​​អនុប្រធាន​​នៃ​អង្គការ​​សេរីនិយម​​អន្តរជាតិ​​
ក្រុមហ៊ុន ​Alibaba បន្ថែមទុន $488 Million សម្រាប់គម្រោងអាហារសុខភាព​ ទៅលើ Ali Health របស់ខ្លួន
អ្នកនយោបាយ​បារាំង​ម្នាក់ ចំអក​លោក ម៉ា​ក្រុង ថា មាន​ឥរិយាបថដូច «​ខ្មែរ​»
បើអញ្ចឹងមែននោះ​!! ក្រុមហ៊ុន Samsung ពិតជាបារម្ភ
CNN ៖ អាមេរិក​បានកំណត់​​ យកខែឧសភា ខាងមុខនេះ​ជា​ថ្ងៃ​បើក​ការវាយប្រហារ​ទៅ​លើ​កូរ៉េខាងជើង​
Microsoft Surface Pro លេចជារូបរាងហើយ
Apple បង្ហាញ​តិចនិក​ថត​រូប​ស្អាត​​លើ iPhone 7 Plus ឥត​គិត​លុយ​ទៀត​ហើយ​
ជី សិលា៖ “សិស្ស IT ពូកែ​សរសេរ​កូដ តែ​នៅ​ខ្វះ​ឥរិយាបថ​មួយ”
សហគ្រិនស្រ្តីវ័យ២៨ឆ្នាំ៖ខ្ញុំឈឺចាប់ខ្លាំង ពេលឃើញគេមើលងាយស្ទើរគ្រប់ផលិតផលខ្មែរ
Apple បង្ហាញ​តិចនិក​ថត​រូប​ស្អាត​​លើ iPhone 7 Plus ឥត​គិត​លុយ​ទៀត​ហើយ​
កញ្ញា ឡូ​រ៉ា ម៉ម ៖ ​ខ្ញុំ​ឈឺចិត្ត ខ្ញុំ​ចង់​ឲ្យ​ទាំងអស់គ្នា​ដឹងថា ខ្ញុំ​ជា​កូន​ខ្មែរ មាន​ឪពុកម្ដាយ​ខ្មែរ ប៉ុន្តែ​ទាំងអស់គ្នា​ហៅ​កូនកាត់​រហូត ព្រោះ​តែ…
ច្បាស់​ហើយ​ស្ត្រី​ម្នាក់​ស្លៀក​ម៉ៃ​យ៉ូ​ដឹក​ដៃ​កូន​មុជទឹក​សមុទ្រ​ដែលបង្ក​ការរិះគន់​ពេញ​ហ្វេ​ស​ប៊ុ​ក​នោះគឺ…
សារមន្ទីរសម័យទំនើបមួយនៅកូរ៉េ ពិតជាប្លែកនិងគួរអោយចង់ទៅលេង
Apple បង្ហាញ​តិចនិក​ថត​រូប​ស្អាត​​លើ iPhone 7 Plus ឥត​គិត​លុយ​ទៀត​ហើយ​
ទូរស័ព្ទ iPhone 8 នឹងធ្វើឲ្យអតិថិជនរបស់ខ្លួនមានការភ្ញាក់ផ្អើល ដោយមុខងារថ្មីៗមិនគួរឲ្យជឿ
ចេញ​ថ្មី​ដងខ្លួន​ទន់ល្មើយ អភិវឌ្ឍ​កាន់តែ​ដូច​មនុស្ស​ពិត​ៗ (វីដេអូ)
លោកស្រី Angelina Jolie បានព្រមានអាមេរិក អំពីជាតិនិយម ទាំងក្នុង និងនៅបរទេស