ចំណូល​ប្រជា​ជន​កម្ពុជាប្រចាំ​ឆ្នាំ​ជា​ប់​ចំណាត់​ថ្នាក់ទាប​ជាង​គេ​នៅ​តំបន់​អាស៊ាន​

កម្ពុជា​មាន​ចំណូល​​ប្រចាំ​ឆ្នាំ​ជា​មធ្យម​សម្រាប់​​ប្រជា​ជនខ្លួន​ទាប​ជាង​គេ​នៅ​តំបន់​អាស៊ាន។ នេះ​ដោយ​យោង​តាម​របាយការណ៍​​សេដ្ឋ​កិច្ច​ឆ្នាំ​២០១៦​របស់​មូល​នីធិ​រូបិយប័ណ្ណ​អន្តរជាតិ​។

​ក្នុងគេហទំព័រ​​ statisticstime.com ចេញ​ផ្សាយ​កាល​ពីខែ​វិច្ឆិកា​ឆ្នាំ​២០១៦ បានចាត់​ចំណាត់​ថ្នាក់​ប្រទេស​នានា តាម​​របាយការណ៍​សេដ្ឋ​កិច្ច​របស់​​អង្គការ​រូបិយប័ណ្ណអន្តរជាតិ (IMF) ​ថាចំណូល​របស់​ប្រជា​ជន​កម្ពុជា​ជាប់​លេខ១៥៦ លើ​ប្រទេស១៨៨នៅ​ទូ​ទាំង​ពិភព​លោក។ បើ​តាម​របាយការណ៍​នោះ​ ​ចំណូល​របស់​ប្រជា​ជន​កម្ពុជា​ក្នុង​ម្នាក់​ទទួល​បាន​១២៨៨ដុល្លារក្នុង​ឆ្នាំ២០១៦​​ ដែលចំនួន​​នេះ​បើ​ធៀប​ទៅ​នឹង​ចំណូល​ទៅ​ក្នុង​ប្រទេស​​ដែល​ជា​សមា​ជិក​អាស៊ាន គឺ​កម្ពុជា​ជាប់​ចំណាត់​ថ្នាក់​ក្រោម​គេ គឺ​ក្រោម​ទាំង​ប្រទេសឡាវ(១៩២១ដុល្លា) និង​មីយ៉ាន​ម៉ា​(១៣០៧ដុល្លារ)ផង​ដែរ។ ខណៈដែលប្រជាជន​សិង្ហបុរី​​​ក្នុង​ម្នាក់​មាន​ចំណូល​ជា​មធ្យម ​​ជាង​៥​ម៉ឺន​បីពាន់​ដុល្លាក្នុង​មួយ​ឆ្នាំ ព្រុយ​នេ​ ជាង​២​ម៉ឺន​បួន​ពាន់ និង​ម៉ា​ឡេស៊ី ជាង​៩ពាន់​ដុល្លារ​អាមេរិក​។

របាយការណ៍នោះ​ក៏​បាន​បន្ថែមថា​ ​ប្រាក់​ចំណូល​ជា​មធ្យម​របស់​ប្រជា​ជន​ម្នាក់​ៗនៅ​ឆ្នាំ​២០២០​ថា​​​ អាច​កើន​ដល់​១៦០៣ដុល្លារ​ក្នុង​មួយ​ឆ្នាំឈរ​លេខ​រៀង​ទី១៥២ ​​ តែ​កំណើន​នេះ​នៅ​តែ​ស្ថិត​ពី​ក្រោយ​ប្រទេសនានាដែល​ជា​សមាជិក​អាស៊ាន​ដដែល ខណៈ​ដែល​​មីយ៉ា​ន​ម៉ាកើន​ដល់​១៩០៧ដុល្លារ(លេខ១៤៨) ឡាវកើន​ដល់​២៣៩៧(លេខ១៤០) ចំណែក​ឯសឹង្ហបុរី​កើន​​ជិត​៦ម៉ឺនដុល្លារ​។

វី​អូឌី​មិន​អាច​ទាក់​ទង​មន្ត្រី​ជាន់​ខ្ពស់​ណា​ម្នាក់នៅក្រសួងសេដ្ឋ​កិច្ច​និង​ហិរញ្ញវត្ថុ ដើម្បី​ឆ្លើយ​តប​ពី​ការ​វាយ​តម្លៃ​របស់ IMF នេះ​បាន​ទេ ខណៈដែល​លោក​រដ្ឋ​លេខា​ធិការ ​វង្ស៊ី វិស្សុត ទូរសព្ទ​ចូល​តែ​មិន​មានអ្នកទទួល។

តំណាង​រាស្ត្រគណបក្ស​សង្គ្រោះ​ជាតិ លោក សុន ឆ័យ យល់​ថា ការ​វាយ​តម្លៃ​របស់​អង្គការ​រូបិយប័ណ្ណ​អន្តរជាតិ​នេះ​គឺ​ជា​ការ​វាយ​តម្លៃ​ដែល​ត្រឹម​ត្រូវនិង​អាច​ទទួល​យក​បាន។ លោក​ថា​បញ្ហា​ដែល​ធ្វើ​ឲ្យ​កម្ពុជា​ទទួល​បាន​ចំនូល​ទាប​នោះ​គឺ​បណ្តាល​មក​ពី​បញ្ហា​អំពើ​ពុក​រលួយ ការ​ប្រមូល​​ធន​ធាន​មិន​ត្រឹម​ត្រូវ និង​ការ​ខ្ចី​បំណុល​បរទេស​ច្រើន។ លោក​បន្ថែម​ថាការ​ដែល​ចំណូល​របស់​ប្រជា​ពល​រដ្ឋកម្ពុជា​ ទទួល​ចំណូល​បាន​ទាប​ជាង​ប្រទេស​ឡាវដែលជា​ប្រទេស​​គ្មាន​ផ្លូវសមុទ្រ ហើយ​ប្រទេស​មីយ៉ាន​ម៉ាដែល​​ទើប​តែ​ងើប​ពី​ការ​គ្រប់​គ្រងដោយ​យោធា វា​បាន​បង្ហាញ​ថាអ្នក​ដឹក​នាំ​កម្ពុជាកំពុង​ស្ថិត​នៅ​ក្នុង​ការ​គ្រប់​គ្រង​មួយ​ដែល​ពុំ​មាន​ទំនូល​ខុស​ត្រូវចំពោះ​ប្រជា​ជន​ខ្លួន​​។

លោក​ថា៖ «អា​ហ្នឹង​វា​បង្ហាញពីចំណុច​ខ្វះ​ខាត ប្រទេស​កម្ពុជា​វា​សំណាង​ទៅ​ទៀត ដោយ​សារ​យើង​មា​ន​កិច្ច​ព្រម​ព្រៀង​ក្រុង​បារីសណា ផ្តល់​មក​យើង​រាប់​ពាន់​លាន​ដុល្លា​ហើយ តាំ​ងពី​ឆ្នាំ​១៩៩៣ រាប់ពាន់​លាន​រហូត​មក​ដល់​ឥឡូវ​ថា​ជាង​១៥ពាន់​លាន​ហើយ​មើល​ទៅ ទឹក​ប្រាក់​ដែល​គេជួយ​មក​យើង​ហើយ​ នៅ​តែ​យើង​នៅ​ក្រោម​ប្រទេស​ទាំង​ហ្នឹង បាន​ន័យ​ថា​មេ​ដឹក​នាំ​យើង​ខ្វះ​កា​រទទួល​ខុសត្រូវ!»

​បើតាម​លោក ​សុន ឆ័យ ប្រសិ​ន​ជា​មេដឹក​នាំ​កម្ពុជា​មាន​ឆន្ទៈ​ក្នុង​ការ​រៀប​ចំប្រព័ន្ធដឹក​នាំ​របស់​ខ្លួនឲ្យល្អ​ ហើយ​ជា​ពិ​សេស​រៀប​ចំចំណូល​ និង​សេវា​កម្ម​​ទេស​ចរណ៍​របស់​ខ្លួន​បាន​ត្រឹម​ត្រូវ​នោះ​វាអា​ចឲ្យ​​កម្ពុជា​អាច​ធ្វើឲ្យ​ចំណូល​របស់​ប្រជាពល​រដ្ឋ​ខ្លួន​បាន​ប្រសើរជាង​នេះ ហើយ​អាចមាន​លទ្ធភាព​វ៉ា​ដាច់​ប្រទេស​មួយចំនួន​ក្នុង​តំបន់អាស៊ាន​ផង​ដែរ។

ក្នុង​ពិធី​រំលឹក​ខួប៣៨​ឆ្នាំ នៃ​ថ្ងៃ​៧ មករា ដែល​រៀបចំធ្វើ​ឡើង​នៅ​រាជ​ធានី​ភ្នំពេញ លោក​នាយករដ្ឋ​មន្ត្រី ហ៊ុន សែន ក៏​បាន​ព្យាករ​ផង​ដែរថា កំណើន​សេដ្ឋកិច្ចកម្ពុជា​នៅ​ឆ្នាំ​២០១៧​នេះ នឹង​នៅ​តែ​រក្សា​បាន​កំណើនក្នុង​រង្វង់ ៧​ភាគរយដដែល។

លោក​បន្ថែម​ថា កំណើន​សេដ្ឋកិច្ច​កម្ពុជា​​ក្នុង​រង្វង់ ៧​ភាគរយ ដោយសារ​វិស័យ​ឧស្សាហកម្ម​មាន​កំណើន ១១.៤​ភាគរយ វិស័យ​សេវាកម្ម​មាន​កំណើន ៦.៧​ភាគរយ ខណៈ​វិស័យ​កសិកម្ម លោក​ថា​មាន​កំណើន​ល្អ​ជាង​ឆ្នាំ​មុន៕

ប្រភពៈ​ VOD

អគ្គលេខាធិការ CDC: កម្ពុជាជាប់ជាប្រទេស​ក្នុងចំណោម​ប្រទេស​ទាំង៨​ក្នុងពិភពលោក មាន​សេដ្ឋកិច្ច​រីកចម្រើន​រហ័ស និងរឹងមាំ មានអត្រា៧.៧% រយៈពេល២០ឆ្នាំ ក្លាយជាខ្លាថ្មីនៅអាសុី !
ជី សិលា៖ “សិស្ស IT ពូកែ​សរសេរ​កូដ តែ​នៅ​ខ្វះ​ឥរិយាបថ​មួយ”
លោក​សម រង្ស៊ី​គាំទ្រ​ការទម្លាក់​អត្រា​ការប្រាក់​១៨% តែ​ស្នើ​ឲ្យ​គិតគូ​បន្ថែម​លើ​ទីផ្សារ​កសិកម្ម​
លោក​សម រង្ស៊ី​​ជាប់ឆ្នោត​ជា​​អនុប្រធាន​​នៃ​អង្គការ​​សេរីនិយម​​អន្តរជាតិ​​
ក្រុមហ៊ុន ​Alibaba បន្ថែមទុន $488 Million សម្រាប់គម្រោងអាហារសុខភាព​ ទៅលើ Ali Health របស់ខ្លួន
អ្នកនយោបាយ​បារាំង​ម្នាក់ ចំអក​លោក ម៉ា​ក្រុង ថា មាន​ឥរិយាបថដូច «​ខ្មែរ​»
បើអញ្ចឹងមែននោះ​!! ក្រុមហ៊ុន Samsung ពិតជាបារម្ភ
CNN ៖ អាមេរិក​បានកំណត់​​ យកខែឧសភា ខាងមុខនេះ​ជា​ថ្ងៃ​បើក​ការវាយប្រហារ​ទៅ​លើ​កូរ៉េខាងជើង​
Microsoft Surface Pro លេចជារូបរាងហើយ
Apple បង្ហាញ​តិចនិក​ថត​រូប​ស្អាត​​លើ iPhone 7 Plus ឥត​គិត​លុយ​ទៀត​ហើយ​
ជី សិលា៖ “សិស្ស IT ពូកែ​សរសេរ​កូដ តែ​នៅ​ខ្វះ​ឥរិយាបថ​មួយ”
សហគ្រិនស្រ្តីវ័យ២៨ឆ្នាំ៖ខ្ញុំឈឺចាប់ខ្លាំង ពេលឃើញគេមើលងាយស្ទើរគ្រប់ផលិតផលខ្មែរ
Apple បង្ហាញ​តិចនិក​ថត​រូប​ស្អាត​​លើ iPhone 7 Plus ឥត​គិត​លុយ​ទៀត​ហើយ​
កញ្ញា ឡូ​រ៉ា ម៉ម ៖ ​ខ្ញុំ​ឈឺចិត្ត ខ្ញុំ​ចង់​ឲ្យ​ទាំងអស់គ្នា​ដឹងថា ខ្ញុំ​ជា​កូន​ខ្មែរ មាន​ឪពុកម្ដាយ​ខ្មែរ ប៉ុន្តែ​ទាំងអស់គ្នា​ហៅ​កូនកាត់​រហូត ព្រោះ​តែ…
ច្បាស់​ហើយ​ស្ត្រី​ម្នាក់​ស្លៀក​ម៉ៃ​យ៉ូ​ដឹក​ដៃ​កូន​មុជទឹក​សមុទ្រ​ដែលបង្ក​ការរិះគន់​ពេញ​ហ្វេ​ស​ប៊ុ​ក​នោះគឺ…
សារមន្ទីរសម័យទំនើបមួយនៅកូរ៉េ ពិតជាប្លែកនិងគួរអោយចង់ទៅលេង
Apple បង្ហាញ​តិចនិក​ថត​រូប​ស្អាត​​លើ iPhone 7 Plus ឥត​គិត​លុយ​ទៀត​ហើយ​
ទូរស័ព្ទ iPhone 8 នឹងធ្វើឲ្យអតិថិជនរបស់ខ្លួនមានការភ្ញាក់ផ្អើល ដោយមុខងារថ្មីៗមិនគួរឲ្យជឿ
ចេញ​ថ្មី​ដងខ្លួន​ទន់ល្មើយ អភិវឌ្ឍ​កាន់តែ​ដូច​មនុស្ស​ពិត​ៗ (វីដេអូ)
លោកស្រី Angelina Jolie បានព្រមានអាមេរិក អំពីជាតិនិយម ទាំងក្នុង និងនៅបរទេស